Xalq artisti Aygün Kazımova may ayında solo konsert verəcək. Bu barədə Show.az-a məlumat verən müğənni bildirib ki, əvvəlcədən nəsə demək ona düşmür. Konkret vaxtı dəqiqləşdirilməyən konsert Heydər Əliyev Sarayında olacaq. Xalq artisti bildirib ki, martın əvvəlində Dubaya gedib-gələndən sonra konsert işləri ilə daha ciddi məşğul olacaq. Səhnədə olduğunun 21-ci ilini tamaşaçılarla bir yerdə edəcəyini deyən Aygün, həm də qızı İlqarədən danışıb: - “Məstan Elnurla oxuyacağı dueti ilk dəfə mənim konsertimdə təqdim edəcək. Xeyli vaxtdır ki, həmin mahnının hazırlığı ilə məşğuldur. Mən özüm isə əsasən yeni albomda olan mahnılarımı oxuyacam. İnanıram ki, bu konsertim digərlərindən daha möhtəşəm olacaq! Bir neçə gün oxumaqdansa, bir gün yaddaqalan konsert vermək daha yaxşıdır.”
Qeyd edək ki, konsert üçün xaricdən işıq və digər texniki avadanlıqlar gətiriləcək