NADIR QAFARZADƏNİN AD GÜNÜNDƏ AYGÜN ELARİZLƏ QALMAQAL
Dünən əməkdar artist Nadir Qafarzadə 38 yaşının tamam olması münasibəti ilə ad günü keçirib. Klip.az-ın verdiyi xəbərə görə, ad günündə "açıq qapı günü" elan edən Nadir bir çox küsülü müğənniləri də barışdırmağa cəhd edib. Bu cəhdlərdən biri uğurlu alınıb, biri isə böyük qalmaqala səbəb olub. Hər iki halda diqqət mərkəzində xalq artisti Aygün Kazımova olub. Nadir "bütün küsülülər barışsın" müraciətindən sonra ötən ilin may ayından Aygünlə münasibətləri pisləşən Rəqsanə yerindən qalxaraq, onun yanına gəlib. Xanın müğənnilər öpüşərək, barışıblar. Məclisdəkilər bunu alqışlarla qarşılayıblar. Az sonra Gecənin aparıcısı Nəsib Nur və səbəbkar Nadir Qafarzadə Elariz Məmmədoğlunu səhnəyə çağıraraq, ona da xalq artisti Aygün Kazımova ilə barışmağı təklif ediblər. Cavabında Elariz bildirib ki, barışmağa ehtiyac yoxdur, çünki onların münasibətləri normaldır. Bu zaman Aygün də yerindən qışqıraraq: "Bəli, bəli, normaldır..." deyib. "Deməli, Aygünlə Elariz 50 faiz barışdılar"- deyə aparıcı əlavə edib. Amma Elariz səhnədən düşüb yerində oturan kimi Aygün mikrofonu götürüb və əmredici tonla deyib: "Elariz, yanıma gəl, gəlməsən kişi deyilsən". Mərasimdəkilər Aygünün sözlərindən şoka düşüb. Ehtiraslar qızışıb. Elariz səhnəyə qalxaraq, yenidən mikrafonu götürüb və Aygünü də səhnəyə dəvət edib. "Məh kişiliyimi həyatda və səhnədə sübut etmişəm. Təklif edirəm, sən də qalxıb səhnəyə gələsən". "Onda get başını keşəl qırxdır. Səhnə- mənim durduğum yerdir"- deyə Aygün bildirib. Elariz yerinə qayıdıb, amma söz davası davam edib. Belə ki, hər iki müğənni əllərində mikrafon təxminən 15 dəqiqə hamının gözü qarşısında bir-birlərinə olmazın sözlər deyiblər. Tərəfləri barışdırmaq cəhdində peşman olan Nadir Qafarzadə isə onları sakitləşdirmək üçün gah bu stola, gah da o biri stola qaçmalı olub. Nəhayət səbəbkarın göz yaşları içində yalvarışı qalmaqalı yatırdıb: "Xahiş edirəm, mənim xətrimə, qurtarın". ... Ad günü isə ümüumilikdə normal keçib. Nadir bütün gecəni rəqs edib, mahnı oxuyub. Hətta balaca oğlu ilə duet də oxuyub.
|