Deyəsən, bu şanslı cavan ATV-nin aparıcısı Caviddir.
Müğənni Xuraman Şuşalının sevgilisi tapılıb. Etibarlı mənbədən əldə etdiyimiz məlumata görə, onun gələcək həyat yoldaşı ATV telekanalının və radiosunun aparıcısı Cavid Mustafaoğludur.
Onu da deyək ki, müğənni toyunun vaxtını qeyri-müəyyən vaxta kimi təxirə salıb. Ətrafdakı insanların belə qənaətə gəlmələrinə səbəb isə elə onların özü olub, yəni bu yaxında tədbirlərin birində Xuramanla Cavid elə məhrəmanə hərəkətlər nümayiş etdiriblər ki, sonda hamının diqqətini çəkiblər. Elə qənaət də buradan yaranıb. Maraqlıdır, bu həqiqətdir, yoxsa növbəti şayiə? Bu sözlərə inanmaq olarmı? Məhz bunu öyrənmək məqsədilə Cavidlə əlaqə yaratdıq: «Bu məsələ barədə nahaq danışırlar. Biz Xuramanla dostuq və çox mehribanıq. Bu şayiəni kimlər yayır, bilmirəm. Bu günlərdə çimərliklərin birində Xuramanın konserti təşkil edilmişdi, mən də orada idim. Gələn ayın sonunda onun toyudur. Mən Xuramanın toyunda tamada olmağa hazıram. Və həmin toyda hamı Xuramanın kimə ərə getdiyini görəcək».
|