Hazırda Moskvada yaşayan Rüstəm Məmmədov qrupdan ayrılmasına aydınlıq gətirdi
Azərbaycanda son illərdə ən parlaq rok qruplardan biri sözsüz ki, “Unformal” qrupudur. Onun yaradıcılarından biri, qrupun solisti Rüstəm Məmmədov bir neçə ay əvvəl ölkəni tərk edib. İndi o, Moskvada yaşayır, orada öz ikinci peşəsi ilə məşğul olur.
"Unformal" qrupundan ayrılması, ölkəni tərk etməsi, Azərbaycanda rokun durumu və indiki fəaliyyəti haqqında Rüstəmin müsahibəsini diqqətinizə çatdırırıq.
-Rüstəm, Moskvaya getməyinizin səbəbi nədir? Bakıda belə şayiələr gəzirdi ki, səbəb “Unformal” qrupunun "Eurovision" mahnı müsabiqəsinin seçim turundan keçməməyidir.
- Əksinə. Mənim yaratdığım qrup “Eurovision” müsabiqəsində iştirak etməməli idi. Moskvaya getməyimin səbəbi isə tamam başqadir. Bu gediş, sadəcə hər şeyi əvvəldən, sıfırdan başlamaq istəyimlə bağlıdır. Məni “rok-ulduz” statusu qane etmir. Azərbaycanda isə Rüstəm Məmmədov adında şəxs artıq “rok-ulduz”a çevirilirdi.
- Ulduz olmağın nəyi pisdir ki?
- Bilmirəm bunu necə izah edim, sadəcə xoşuma gəlmirdi “ulduz” statusu.
- Bəs musiqi ilə məşğul olmağa başlayanda bilmirdiniz ki, sizi populyarlıq və ulduz statusu gözləyir?
- Yox. Mən sadəcə insanları oyatmaq istəyirdim. Bərkdən qışqırmaq istəyirdim ki, insanlar oyansın. İnsanlar oyananda isə fikirləşdim ki, kaş heç oyanmayaydılar. Onsuz da bu oyanmışlardan heç bir xeyir yoxdur.
- İndi nə ilə məşğulsunuz Moskvada?
- İkinci sənətim ��" dizaynla məşğulam.
- Musiqi üçün darıxmırsız? Bəs hərdən, əlinizə gitara götürüb sadəcə özünüz üçün nəsə ifa etmək hissi keçmirmi içinizdən?
- Olur. Amma indi burada mühitə alışmağa çalışıram. Ola bilər ki, gələcəkdə mən yenə musiqi ilə məşğul olmağa başlayım.
- Siz roka həmişəlik əlvida demisiniz, yoxsa roksevərlər nəyəsə ümid edə bilər?
- Bilmək olmaz. Hal-hazırda musiqidən uzaqlaşmışam. Amma inanmıram ki, musiqi məndən uzaqlaşsın. Musiqi narkotik kimi bir şeydir.
- Sizcə Azərbaycan rokunun gələcəyi var?
- Əminəm ki, var. Rok, musiqi janrı kimi inkişaf edir. Rok sözü artıq heç kimi qıcıqlandırmır. Amma düzgün istiqamət seçmək çox vacibdır. Adətən bizim rokerlər bunu unudur.
- Azərbaycan efirində rok musiqisinin təbliğ edilməməsinin səbəbi nədir?
- Səbəbi odur ki, kanallar ancaq öz xeyirlərini güdür. Xeyir isə rokerlərdən yox, “toysuperstar"larından gəlir. Ona görə də musiqi mədəniyyətində deqradasiya prosesi gedir. Musiqi mədəniyyəti Aygünlə Elarizin davası üstündə qurulur.
- Azərbaycanda sevdiyiniz, dinlədiyiniz və yaradıcılığını izlədiyiniz rok qrupu varmı?
- Əlbətdə var. İlk növbədə "Unformal". "Ozan" qrupu da çox maraqlı bir qrupdır. "Orient Express" ��" istedadlı uşaqlardı. Hələ təzə yaradılan qruplar da var. İnanıram ki, gələcək nəsil bizim işimizi davam edtirəcək.
- Rüstəm Məmmədov nə üçün rok musiqini sevir?
- Əslində Rüstəm Məmmədov tək rok musiqisini yox ��" bütün keyfiyyətli musiqini sevir. Məsələn, Moby rok ifaçisi deyil, amma musiqisini çox bəyənirəm. Həmçinin Bjork. Mən sadəcə keyfiyyətli və keyfiyyətsiz musiqini bir-birindən ayırıram. Üslub mənim üçün vacib deyil.
- Səhnədə ilk çıxışınızı necə xatırlayırsız?
- 1996-cı ildə. 14 yaşımda ilk yaratdığım qrupla məktəbdə çıxışımız oldu. Yadımdadır ki, heç bir notu düzgün ifa edə bilmədik. Çunki səhnəyə sərxoş vəziyyətdə çıxmışdıq. O gündən sonra konsert günü bir qram da olsa spirtli içki içmədim.
- Azərbaycan üçün darıxırsız? Darıxırsınızsa, konkret nə üçün darıxırsız?
- Azərbaycanda mənim yaxınlarım, dostlarım və oğlum yaşayır. Onlar üçün darıxıram.
- Sevdiyiniz rok mahnılar onluğunu yarada bilərsiz?
- 1 John Lennon - Imagine
2 Mr. Bungle ��" Sweet charity
3 Moby - Porcelain
4 Pink Floyd ��" Wish you where here
5 Koldünya ��" Son məktub
6 David Bowie - Thursday's child
7 Incubus - Dig
8 Yuxu - Sir
9 Radiohead - İdioteque
10 Bjork - Hunter